Mizo Elite News hi ṭha i tihzawng a nih chuan min lo Follow dawn nia

Turkish Footballer In A Fapa Kum 5 Mi Chu A Hmangaih Loh Vangin A That

Mahni fapa rila rah ngei a hmangaih thei tlat lo. Turkish Footballer Cevher Toktas, 32 chuan a fapa kum 5 mi Kasim chu a kut ngeiin a nunna a lo laksak.

Cevher Toktas hian a fapa Kasim hi April thla khan Dortcelik Children’s Hospital ah khawsik leh thawk lama harsatna a neih vangin a hruai a, Doctor te hian Covid19 an vei palh thil thu ah an lo khunghrang a ni.

Khunghran an nih hnu lawk hian Staff te hnen ah chuan a fapa Kasim chu a thawk lam a buaizual tih hrilhin Intersive Care a nawrluh a nih hnu lawkah a boral zui ta nghal.

Damdawi in lama hnathawk te pawh in a thih chhan ah hian a pa Cevher Toktas hi rinhlelh na chang pawh an hre bik lo. Mahsela a fapa boral aṭanga ni 11 hnu ah amah ngei Police Station ah kalin a fapa chu a kut hmanga a nunna a lakthu a inpuang.

Cevher Toktas hian a sawidan chuan Staff ten an pafa a an kalsan hnu khan a fapa Kasim hi lukham hmangin minute 15 a nawr beh hnuah a boral tak thu a sawi a, a thah chhan ah hian a hmangaih loh vang a nih thu a hrilh a a thah hnu hian an rinhlelh lohna turin Doctor lam te hi a ko zui ta nghal a ti.

Kasim hi an phumna aṭang hian a ruang phawrh lehin authorities lam chuan ruang hi endik leh an tum. Cevher Toktas hi a fapa a thah avangin an man zui nghal. Amah hi Footballer a ni a 2007 leh 2009 inkar khan Turkey’s Super Lig ah a lo khel ve tawh a ni.

MailOnline