Mizo Elite News hi ṭha i tihzawng a nih chuan min lo Follow dawn nia

Tuiso Hmanga A Fahrawn Bual Hlum Tu Chu A Phutawk Hremna Pek A Ni

Thinrim lai chuan eng thil pawh tih hreh lohna a piang a, chu chuan thil tha lo tak a hringchhuak thin.

Jordan, Middle East ah nu pakhat a hming tarlan loh chuan a pasal fa bik, a fahrawn mipa naupang kum 2 a upa chu phuba lak nan tuiso hmangin a bual hlum tih hriat a ni.

A pasal nen hian an nupa inkar boruak a tha vak lo tih tarlan a ni a, a pasal chuan a fate pahnih kum 4 leh kum 2 te chu enkawl tha turin a hrilh.

A pasal laka a lungawi loh em avang in a thinrimna chu a fate chungah a leihbua a, Court Document atang a landan in bathtub ah tuiso a dah lut a, a chhungah a fahrawn hi a hnim zui ta a ni. Mipa naupang hi a sa a tih em avangin a rak chiam a, tub atang lachhuak in a pa hian damdawi hnai ber a panpui nghal.

A taksa a kang(burn) nasat em vangin thil thlen atang chawlhkar 2 hnu ah a hliam tuar lovin a boral tih an sawi a, a nuhrawn hian a hma atang tawhin an unau hian a tiduhdah thin viau tih Court Document ah a lang bawk.

Court chuan phuba lak nan a a fahrawn tihlum tu nu hi kum 20 Jail tang turin a hrem a ni.

News-com au