Mizo Elite News hi ṭha i tihzawng a nih chuan min lo Follow dawn nia

Tuichhunchhuah thuk taka tla a nunna chan mipa naupangte kum 5 chu ropui taka vuiliam a ni ta

Morocco a mipa naupang pakhat, tuichhunchhuah 105ft zeta thuka tla a, a nunna chhan theih loh a boral ta chu Thawhtanni khan vuina hun hman a ni a, Rayan Awram vuina ah hian khawngaih leh tuarpui tu mipui za chuang zet an pungkhawm ani.

Rayan Awram hi kar kalta Thawhlehni ah northern province of Chefchaouen a Ighran village ah chuan an chenna in pawn lama tuichhunchhuah thuk takah ah chesual in a tla palh a, a nunna chhan tum in mithiam ten hmanrua leh khawl tha ber ber te hmang mahse ni 5 lai hun a awh.

Chhanchhuahna mission hi a tirah a hlawhtling dawn nia ngaih a ni hman a, amaherawh chu hun a duh em avangin lei laih zung zung theih a ni lo. Rei tak mipa naupang hi lei hnuai ft100 chuanga thuk ah a awm. Rescue worker te a tlakna hmun an zuk thlen meuh chuan alo boral hman tawh a, ruang nen an inla chhuak ta ani.

Chefchaouen, northern Morocco bul Ighran a thlan ah Rayan Awram ruang hi zalh ani a. Rayan hringtu te a pa Khaled Aourram leh a nu Wassima Kharchich te chu ambulance in an hruai, vuina a mipui an tam zia chu mak tih a hlawh in Rayan hian khawngaih tu a ngah zia a chiang hle bawk.

Vuina a kal mi pakhat phei chuan “kum 50 a upa ka ni tawh a, vuina hun hman ah mihring pungkhawm heti zata an tam tum hi ka la hmu ngailo. Rayan hi mi zawng zawng tan fapa ang ani” ati hial.

A pa pawhin harsa ti tak chungin a fapa hi damchhunga hmu leh tawh lo turin a thlahliam. He chhiat tawhna ah hian Moroccan international footballer Abderrazak Hamdallah chuan Rayan chhungte chu a tawrhpui a ni tih lantir nan Moroccans leh Muslims aiawh in chenna in lei sak a tum tih a puang bawk a, he a thil tih hi an lo pawmsak ngei a beisei thu a sawi.