Mizo Elite News hi ṭha i tihzawng a nih chuan min lo Follow dawn nia

Tuichhunchhuah thuk tak 100ft a tla mipa naupang chu ni 5 hnu ah thi in an la chhuak

Moroccan mipa naupang kum 5 upa Little Rayan chu Thawhlehni kalta a an chenna Ighran village, northern province of Chefchaouen a tuichhunchhuah 32-metre (105ft) a thuka a tlak hnuah chhanchhuahna ngawrh taka thawh nghal a ni a, mahsela vanduaithlak takin Rayan Awram hi a tlak atang a ni 5 hnu ah a thi tih puan ani.

An chenna in pawn lam tuichhunchhuah a a chetsual hnu hian Rayan Awram chhanchhuak tur hian mithiam ber ber ten theih tawp an chhuah. A tlakna kua hi a zim em vangin chhanchhuahna thawhchak theih a nilo a, lei te hi min leh tawlh mai thei an nih reng vangin hun pawh a duh rei hle ani.

Expert leh rescue teams ten hmanraw tha ber ber an hman pawh in ni 5 lai a awh a. Amaherawh chu chhanchhuak tu pawl ten a awmna an zuk thlen meuh chuan Rayan Awram hian mihring chang tawh lovin a thi tih hriat a ni ta ani.

Government officials te chuan theihtawp an chhuah chung pawh in Rayan nunna chhanhim theih a nilo tih hi an puang a, a ni (aunt) Atiqua Awram chuan local media hnen ah Rayan thihna chuan an chhungkua a tih nat tak zet thu a sawi. Rayan ruang lakchhuah a nih hian gold blanket in an tuam a, Morocco’s King Mohammed VI leh French President Emmanuel Macron te chuan Awram chhungte hnen ah an tawrhpui zia an thawm nghe nghe.

Little Rayan chhanchhuah tumna mission hi khawvel hmun hrang hrang atang te in ngaihven a hlawh hle a, him taka chhanchhuah a nih ngei theih nan mi tam tak chu mipa naupang lainatawm tak tan hian bang lovin an tawngtai a ni. Amaherawh chu mihring lam beisei leh duh angin thil a thleng thei ta si lo.