US President, Donald Trump fapa kum 14 mi Barron Trump chu Coronavirus alo positive ve reng tih a nu First Lady, Melania Trump chuan a sawi.
President Trump hian October 2 khan a nupui Melania nen Covid19 an vei thu hi a puang a, White House chuan an fapa Barron Trump hi a negative tih an sawi thung.
Mahsela nilaini khan Melania chuan a fapa Barron chu a Positive ve reng thu a sawichhuak a, a taksa ah engmah a natna a langchhuak lo a ti. A hlauh em em thil thleng dik a Barron test a positive chuan a ṭhawn zia a sawichhuak.
Melania chuan vanneihthlak takin a fapa chu rawlthar hrisel tak a ni a, tunah chuan hri hi vei tawh lovin test hi a negative tawh thu a sawi tel bawk.
Barron hi Washington aṭanga hla lo te ah private school a kal. White House a outbreak thlen leh Barron positive hi a hma lama vantlang hriata an puan loh chhan a sawi lo.
Trump hian White House a reporter hma ah a fapa Barron chu a ṭha a ti. Trump pawh hi hripui vang in zan 3 lai Hospital ah a awm.
United State ah Covid19 case hi 81.5 lakh chuang awm tawh in nunna chan 2.22 lakh dawn thuak an awm bawk.
India Times