Mizo Elite News hi ṭha i tihzawng a nih chuan min lo Follow dawn nia

Trump An Chakloh A Ngaithiamlo Tih A Nupui Hluiin A Sawi

President thlanna chuan a hmawr a bawk fel thei mai lo a, Trump leh Biden te an inngur chhar chhar. Tiang boruak hian engchen nge a awh ang. Trump hian nizan lam kha chuan Twitter ah a chaklo tih a vawikhatna atan a in pawm ve a, Twitter ah Tweet a rawn siam ve zuai.

Vote chhiar dikloh leh tih chingpen vangin Trump Support tu te lam an lungawi lo hle, thubuai hial thehluh a ni tawh. State ṭhenkhat ah Vote te chhiar ṭhat leh a ni bawk. Biden hian diklo tak in vote tam tak a hui niin Republic te mei kawh in an ṭang.

Biden leh Trump te President inchuhna a an inbeihna kal chho zel ah Trump nupui hlui Ivana Trump a ṭawngchhuak a, a pasal hlui Trump chet dan, chakloh a nih a pawm duh lo hian a ṭhawng hran lem lo tih a sawi.

Ivana hian a pasal hlui Donald Trump chu rilru pau khauh tak mai, chaklo nih pawm duh lo a haw tlat ṭhin a nih thu a sawi a, a bei ṭang ṭang ṭhin zawk a ti. Nupa an nih chhung a rei bawk a, Ivana hian a pasal khawsazia chu a lo hrechiang ve tawk viau a nih hmel.

Election Result chuan a tihbuai lem loh thu a sawi bawk. Ivana sawi ang hian Trump ngei pawhin July a Fox News nen Interview an neih ah khan alo sawi zeuh tawh bawk. Ivana chuan Trump duhthlanna a ngaihven lo, mahsela a chaklo a nih chuan a chaklo zo tawh a, a sum tam tak nen golf khel in emaw nun pangngai Normal life hmang zawk se, hei atan a thlan tur ṭha ber a ni e a ti.

Ivana hian dinhmun sang chelh lam a ngaisang hran lo. A fate ho Eric, Donald Jr. leh Ivanka te pawh midang te angin normal live nei se a duhpui thu a sawi bawk a, Washington a hun hman chu a lungsi pui zan lo.

Ivana Trump hi Donald Trump nupui hmasa ber a ni a, 1977 aṭang 1992 thleng an innei. An pahnih hian fa 3 Ivanka Trump, Donald Trump Jr. leh Eric Trump an nei hman. Ivana nen an inṭhen hnu ah Marla Maples nen innei leh in fanu pakhat Tiffany Trump an nei bawk a, tuna a nupui First Lady, Melania Trump hi a nupui 3 na chiah a ni. Trump hian nupui lamah chuan lungthu a kim der tawh.

People