Mizo Elite News hi ṭha i tihzawng a nih chuan min lo Follow dawn nia

Travis Scott Astroworld Music Festival Ah Mi 8 Thi In Mitam Takin Hliam Tuar

Rapper, Travis Scott chuan Houston ah Concert buatsaih in Astroworld Music Festival a nei a, Concert khuhhawn zan hian vanduaina thleng nghal in mi 8 in nunna an chan tih hriat a ni.

Houston fire chief Samuel Pena chuan Concert a chhiatna an tawh chungchang hi a rawn sawi a. Report in a tarlan danin Concert ah hian rapper Travis Scott an Stage ah Perform na hun a hmang mek a mipui te chu inhawr khawm in Travis lam ah an innek phei.

Fans tam tak chep taka an innekkhawmna ah hian a then in an kut leh ke pawh an tiche tha thei lo a, thawk lam ah harsatna tawkin an boral phah ta nia hriat a ni.

Festival ah hian mipui 50,000 vel an pungkhawm a, inhliam zat hi 100 chuang zet an ni. 17 vel damdawiin ah hruai in inhliam zingah hian kum 10 mi pawh a tel. Thihna thlen chhan hi chiang taka nemnghehna ala awm lo a, medical examiner ten an la chhui mek.

He chhiatna thlen hun hi Zirtawpni zan dar 9pm vel khan a ni a, chhiat a thlen hnu ah Show hi an titawp zui nghal. Music Festival hi ni 2 awhtur a ni a, Zirtawp leh Inrinni thleng neih tur a ruahman a ni.

Travis Scott chuan thil thleng chu pawi a tih zia Twitter ah sawiin Houston PD ten a rang lama an bawihsawmna ah lawmthu a sawi bawk a chhiatna tawk chhungte puih an ngaihna ah an tan a awm reng tur thu a sawi a ni.