Mizo Elite News hi ṭha i tihzawng a nih chuan min lo Follow dawn nia

Travis Scott An Astroworld Concert A Mitthi Te Vuina Senso Tum Sak Vek A Tum

Rapper, Travis Scott chu kar liamta November 5 Zirtawp zan khan Houston NRG Park ah Concert buatsaihin mipui pungkhawm te in nek na ah mi 8 laiin nunna an chan phah a, mi 100 chuang zet an inhliam phah.

He vanduaina thleng chungchang ah hian Travis Scott lam te nasa takin dem an hlawh a, Travis Scott erawh in chhiatna an tawh ah hian a inthiamloh zia Social Media kaltlang in a tarlang ve bawk.

Thawhtanni khan Travis Scott team te chuan thuchhuah an siam a, Concert neihna a vanduaina tawka boral ta mi 8 te chu an vuina senso zawng zawng tumsak vek an nih tur thu an puang. Hei mai bakah inhliam leh harsatna tawk tu te tan a thlawnin Therapy a tihsak dawn a ni.

Inthiamlo taka thuchhuah a siam mek lai in Concert a tel ve mi thenkhat atang tawngkam dengkhawng tak tak an dawng zui reng tho. Travis Scott leh Drake te lakah khinna hial ziah luh a ni tawh a, lawsuit ah hian an lak atang zangnadawmna $1 Million phut an awm bawk. Anni bakah Festival promote tu Live Nation, ScoreMore, leh Astroworld organisers te lakah pawh thubuai siam a ni.

Nunna chan zingah hian kum 14 mi John Hilgert a tel a, Danish Baig, 27 tia tarlan chuan Festival ah khan a nupui hual nunna chhan tumna ah a boral tih hriat a ni bawk.