Mizo Elite News hi ṭha i tihzawng a nih chuan min lo Follow dawn nia

Tom Cruise fanu duat Suri Cruise pawh a nula ve tak tak ta

Lung delh loh thing delh loh chu a rawn thang lian tha chho hle mai. Hmeichhe tam tak te star rawn luai luai thin Hollywood Actor, Tom Cruise fanu duat Suri Cruise pawh, hmana hmeichhe naupang duhawm tak atang in tleirawl chhelo takah a rawn thanglian chho ve ta.

Suri hi Tom Cruise leh a nupui then tak Katie Holmes te fanu a ni a, 18 April 2006 khan piang in kum 15 lai a upa a ni ve tawh. A pa hian ala naupan laiin event hrang hrang ah te pawh a lo hruai fo tawh thin a, milar fa tih takah thuamhnaw pawh branded tak tak inbel in amah awm tu leh bodyguards pawh a nei bawk.

July 2012 a a nu leh pa Tom Cruise leh Katie Holmes te an inthen khan Katie zawkin an fanu hi a enkawl zui a. Kum 6 lek a nih laiin New York ah a nu nen hian an cheng a, hetah hian Suri pawh nun pangngai tak in a hman theih phah.

Milar fa a ni tih hriat loh turin midang te angin a khawsa a, nannies leh bodyguards te tello in Bus ah te pawh a chuang ve lawp lawp thin. A nu in a enkawlna a tha bawk a ngilneihna leh midang te hmangaih turin a zirtir fo thin.

A pa Tom Cruise hian thla tin Suri hi ni 10 zel a tlawh ve phalsak a ni tih an sawi. Tom erawh a fanu nen hmuh tur a khat pharh. Nu leh pa uap lum lohna karah seilian mahse a nungchang mawi leh hawihhawm tak te hian mite thinlung a hneh tawh hrim hrim.