Mizo Elite News hi ṭha i tihzawng a nih chuan min lo Follow dawn nia

Tokyo Olympic Neih Meka An Ram Tana Gold Medal La Tu Diver Khawsak Dan Zet Kha

Tokyo a Olympic 2020 neih mek ah British Diver, Tom Daley chuan an ram tan Gold hlawh chhuak in men’s synchronised 10m platform ah kar hmasa khan Medal a lo la.

Tom Daley hian Gold Medal a lak hnu ah a reh zui nghal mai lova Women’s 3m Springboard Final neih ah a sir lam thutna ah chuan thil eng emaw lo buaipuiin, Camera chuan chiang takin a thil tih hi a lo la fuh zui chat bawk nen Internet ah a viral zui leh hle a ni.

Thutna ah hian la a phiar ni ngeiin a hmuh theih bawk a, kut awl mai mai a Final lo thlir ringawt chu a thiam chiah lo a ni ang. Social Media ah chuan Tom Daley hian diving mai bakah thiam thil dang a lo nei ru reng tiin an vawrh lar zui chiam.

A thlalak hi Tom Daley ngei pawn a lo hmu a, miten an bengkhawn tak hluai avang chuan eng thil chiah nge a buaipui tih a rawn sawichhuah phah. Women’s diving final ah khan a Uite kawrlum (sweater) tur a phiar/siam sak thu a sawi a ni.

“Mi thenkhat ten eng thil nge kha tah khan ka tih chiah min zawt fo a, ka ui jumper tur ka buaipui a nih kha” tiin Instagram ah a sawi. A zawhfel hnu a a landan diktak a rawn tarlang tel nghal.

Tom Daley chuan La khawih lam hi diving a thiam tluk zeta a thiam thu a sawi a, Team GB cardigan nen pawh an thawh ho thin thu a sawi bawk. Tom hi mahni anpui kawp ching a nia, tunah pasal pawmlai Dustin Lance Black neiin fapa kum 3 mi Robbie an enkawl mek a ni.