Mizo Elite News hi ṭha i tihzawng a nih chuan min lo Follow dawn nia

Tokyo 2020 Olympics A Nurislam Leh Ravi Dahiya Te Inchaina A Thil Duhawmlo Thlengah India Mipui Te Lungawi Lo

Tokyo 2020 Olympics neih mek ah Freestyle Wrestling 57kg category semifinal ah Kazakhstan pa Nurislam Sanayev leh Indian wrestler Ravi Kumar Dahiya te chu an inhmachhawn.

Indian wrestler Ravi Kumar Dahiya hian Nurislam Sanayev hi hneh in Final a lut a. Indian fans te pawh Dahiya final a luh vang hian an lawm hle. Hetih rual hian Nurislam Sanayev nen an inbeih a thil mawilo leh fair lo tak thleng ah erawh an lungawi zan lo.

Kazakhstan pa Nurislam Sanayev hian an inbeihna ah hian Ravi Kumar Dahiya hi a ban ah chiang takin a seh a, a sehna thla pawh chiang kelh kawlhin a lang kuau bawk. Mahse heti chung hian Nurislam Sanayev hian hrem a tawk miah lo a ni.

Video Clip thenkhat te Social Media ah phochhuah a ni a, Nurislam Sanayev chet dan Professional lo tak hian sawisel a hlawh nasa. Thil thleng a lungawilo ber zingah former India batsman Virendra Sehwag ngei pawh a rawn tawngchhuak ve hial a ni.

Dahiya hian India tan mel lung pawimawh tak a phun a, Indian wrestler zing a Sushil Kumar hnu ah Olympics final a lut leh hmasa ber a ni. India ram tan Medal eng emaw tak a rawn hawn ngei dawn bawk.