Mizo Elite News hi ṭha i tihzawng a nih chuan min lo Follow dawn nia

Tlereuh A Chhar Chu Paih Mai A Tuma Mahse A Hlutna An Hrechhuak Chu Paih Phal Chi Alo Nilo

United Kingdom a Northumberland a cheng nu upa lam tawh kum 70 mi chuan a chenna in a thenfaina velah tlereuh (stone) a hmuchhuak nawlh mai a, a tirah chuan engteh vakah a ngailo.

Tlereuh pangngai mai mai niin a ring a, ngaihven lovin bawlhhlawh bawm ah paih mai alo tum. Mahse a thenawm a cheng ve chuan paih mai ringawt lovin endik hmasa turin thurawn a lo pe

A thenawm a mi in a hrilh ang chuan tlereuh hmunpui ah chuan a kalpui a. A thil chhar endik tur hrim hrim a kal pawh nilovin appointment a neih vang zawk a ni, hei hi remchang ah a hmang.

North Shields, North Tyneside a Mark Lane of Featonby’s Auctioneers in a sawidan in diamond neitu hian a tlereuh dang te nen bag ah alo ken thu a sawi a, a tlereuh hlutna em em neilo karah chuan he diamond lian tha ve tawk tak hi alo inphum a ni.

A stone hi pound coin ai in a lian tha zawk bawk a, cubic zirconia niin Mark Lane hian a ring. Endikna khawl diamond tester machine a finfiah a nih hma in ni 2/3 lai alo thlek. London a an thawhpui dang te hnena an thawn chuan 34 carat diamond a ni tih an fiah a, £2 million (Rs 20 crore) zeta hlu a lo ni.

Diamond neitu hian a hming tarlan a duh lo a, hetiang khawp a hlu hi engtin nge a neih tih pawh a hrechiang bik lo. Car boot sale atang a lei fo a, chuta a lei tel chu a nih ve a ring.

He diamond hlu tak hi November 30 ah lilam tura ruahman a ni a, chumi hma chu London diamond quarter Hatton Gardens ah him taka vawn that a ni.