Mizo Elite News hi ṭha i tihzawng a nih chuan min lo Follow dawn nia

Tleirawl Pakhat Chu Pit Bull In Beih Vangin Thi Lek Lek In Awm, A Lu Vun Hikin A Beng An Seh Chhum Sak

Ran enkawl tu te fimkhur zualna atan a va pawimawh em. Ran i vulh a nih chuan midang tana harsatna leh buaina thlen lo turin enkawl fimkhur ang che.

Atlanta, Georgia a mi tleirawl kum 15 a upa Joslyn Stinchcomb chu Pit Bull pahnih in an beihrawn vangin hliam na tak tuar in a awm mek a, nunna chan thut thei dinhmun ah dingin Atlanta a Grady Memorial Hospital ah ventilator hmanga enkawl mek a ni.

An chenna in hnaih lawka a kal chu Pit bull te hian an beizui ta niin an tarlang. A lu vun seh hik in, a beng vei lam seh chhum a nih bakah a nghawng a thawkna dawt lamah hliam a nei bawk.

Doctor te chuan a beng hi zawm leh pawh ni se a function ṭhat theih dawn leh dawn loh an chiang lo. A lu vun a hliam a tawrh vangin a sam pangngai pawh a ṭo thei tawh lo mai thei an ti bawk.

Joslyn chhan tura kal Deputy pawh pit bull te hian beih an lo tum hial a, deputy hian a silai phawrhchhuak in pakhat zawk phei chu a kap hliam nghe nghe. Ran nei tu pa Alexandria Torregrossa, 29 lakah a ran te a khuahkhirh leh enkawl fimkhur loh vang in thubuai an siam sak nghal.

DM