Mizo Elite News hi ṭha i tihzawng a nih chuan min lo Follow dawn nia

Tleirawl Nau Pai Mek Chu Thah A Nih Hnuah A Lung Leh Ril Te Phawrhchhuah Sak A Ni

South Africa ah tleirawl pakhat kum 19 mi Snegugu Linda tia koh chu rawng taka thah a ni a, tihhlum a nih hnu hian a lung (heart) leh a ril te chu phawrhchhuah sak a nih thu hriat a ni.

Snegugu Linda hi nau pai mek a ni a,chawlhkar 2 liam ta khan a bialpa tlawh tur in a kal. A chhungte hnen ah chuan November 15 ah in lama a let leh tur thu a hrilh.

Mahsela a kir leh hun tur a sawi ah pawh chuan a let lo. Pathianni khan Snegugu Linda ruang hi Hammersdale, KwaZulu-Natal province of South Africa a kawngah a ruang hnuchhiah chu an hmu a, a ruang an hmuh hian a organs phawrh te chu a kiangah alo awm bawk, a pum leh hnung lam ah te hliam a ni.

A fanu chunga thil thleng vang hian a nu Londiwe Linda, 33 chu a rilru a na hle. Londiwe chuan a fanu Snegugu Linda hi a lu khuhna doek hmangin a ka ah tuam sak a nih thu a sawi.

“Snegugu hi a ala naupang em em a, hmabak tam tak tih tur a la nei a ni. He thil ti tu hi hriatchhuah ngei kan duh” tiin a sawi a, a nu hian in a chhuah hma lawk khan a fanu kutah hliam a hmuh thu a sawi tel bawk. Snegugu bialpa Sibusiso Hlela chuan Inrinni chawhnu lam khan a ṭhiante tlawh turin a chhuak a, khami hnu khan let leh tawh lo in a chanchin a hre zui tawh lo a ti.

Police ten Investigation hi an kalpui mek a, tun thlengin tualthattu hi man a la ni lo bawk.

Mirror