Mizo Elite News hi ṭha i tihzawng a nih chuan min lo Follow dawn nia

Tleirawl Kum 17 Chu A Ngaihsan Shah Rukh Khan Hmaichhan Ngeia Hmu Tura Bum Anih Hnuah Rukbo A Ni

Kan tunlai khawvel a changkang tawh mai si a, hei hian misual te pawh a ti huangtau zo tawh. Social Media a hmuh ang a piang lo rin ngawt zel hi a dik lo a,tisual palh vanga bum tawk an awm nual a ni.

West Bengal tleirawl pakhat kum 17 lek chu mipa pakhat kum 43 mi Subhan Shaikh chuan dawt hmangin Social Media atang a bum a, thian a a siam hnu ah a Superstar, Shah Rukh Khan chu Mumbai ah hmaichhan ngeia hmuhpui a, a bula hnathawhna hun tha siam sak alo tiam a ni.

Facebook kaltlangin an in hmelhriat a, Subhan Shaikh hian thlalak ah amah hmang duh lovin a fapa thlalak a hmang. Tleirawl hnen ah chuan Mumbai ah amah in hruaia Shah Rukh Khan a hmuh theih nan buaipui vek huam ang in a insawi.

A rinhlelh lohna turin a che thiam ang reng hle a, amah chuan Covid19 a kai vangin a hruai thei dawn lo a, a pa zawk hruai tura a lo kal tur thu hrilh in mahse amah bawk chuan a va lam ta a. Hmeichhia pawh hian chutia a ngaihsan tak a hmuh theih dawn chuan tiin alo aw a, rinhlelhna chang reng a hre lo hrim hrim.

July 15 khan coaching class atang a hruaichhuak a, a sim card chu an chhui zui theih loh nan a tihchhiatsak bawk. Howrah Mail in Mumbai lam pan turin an lo inbuatsaih.

Hmeichhe nu leh pa te hi an fanu avang chuan an lo mangang ve hle a, an chenna West Bengal a Palashipara velah chuan an fanu hi an lo zawng nasa. An hmuh zawh tak siloh ah chuan West Bengal Police te an pun ta ringawt.

Police te chuan an information dawn atang CCTV footage hmangin an chhuichhuak. Trafficker hi Maharashtra a Mira Road a khawsa a nia, Police ten an man tawh. Hmeichhia hi Class XII student niin an chenna in lamah hruai haw a ni tawh bawk.