Mizo Elite News hi ṭha i tihzawng a nih chuan min lo Follow dawn nia

Tleirawl Kum 16 Chuan Thla 6 Chhungin Mi 400 In An Pawngsual Tiin Thubuai A Thehlut

Nitin mai hian hmun hrang hrang ah sualna in thla a zar. India ram hi pawngsual tam lam ah ram dang nen khaikhin pawh in a ber kan ni pha a, hmeichhe tam tak in khawihchhiat leh innghaisakna an tuar thin.

Maharashtra’s Beed district ah tleirawl hmeichhe pakhat kum 16 lek chuan pawngsual a tawh thu a sawichhuak. He tleirawl hian a sawidan atang in mi pakhat mai nilo mi 400 laiin thla 6 chhunga an pawngsual thu hi a puang a,Police ah thubuai a thlen tih hriat a ni.

Pawngsualtu zingah hian Police te ngei pawh an tel tih hriat a ni bawk a. Tuartu hmeichhia hi a hming erawh puanzar sak a nilo. Case hi The Prohibition of Child Marriage Act, The Protection of Children from Sexual Offences Act and rape leh molestation sections of the Indian Penal Code hmang te in ziahluh a ni.

Thulakna in a tarlan dan in he hmeichhia hi kum 2 liam ta khan a nu in a thihsan tawh. A pa chuan a duh loh chungin pasal a neih tir a, a pasal pa ngei pawh in a khawih bawk. A hnu ah tlanchhuak in Ambejogai town ah hna zawng turin a pan.

Ambejogai ah hian mi 2 ten hnathawh tur pe tura dawt hmanga an tiam hnu ah an pawngsual leh. Police te chenin mi 400 te hian an sual thu hi a sawi ta a, tunah hian thla 2 a upa nau a pai mek bawk.

Bharatiya Janata Party Mahila Morcha National President te pawh in misual te hi zawngchhuak a an phu tawk ang hremna na thei ang ber pe turin an ngen. News agency ANI chuan pawngsual tu zinga mi 3 te chu man an ni tawh tih a tarlang.