Mizo Elite News hi ṭha i tihzawng a nih chuan min lo Follow dawn nia

Tleirawl Kum 13 Mi Chu A Pa In Favah Hmangin A Lu A Tan Sak

Romina Ashrafi, 13 tia koh tleirawl chu a pa in favah (farming sickle) hmangin a lu a lo tan sak.

Thil thlenna hmun hi Iran a Hovigh, Talesh county ah a ni. Thulakna in a sawidan chuan Romina hi a pa duh loh dan takin a lo khawsa niin an sawi.

Amah aia kum upa daih hmangaihna tawn ah a luangliam a. Kum 34 laia upa Bahamn Khavari tih nen chuan tlan dun an tum a, in a lo chhuahsan.

Police ten Romina hi in lama an haw tir dawn chuan Police te hnen ah in a a kir leh chuan a nunna chu a derthawng tur thu a hrilh a, mahsela in lamah haw tir a ni ta tho.

In lama a haw hnu ah a pa thinrim insum zo lo hian a bedroom ah favah hian a bei ta a, a lu chu alo tan sak ta mai a ni awm e.

A fanu lu tana a tihhlum hnu hian a thahna hmanrua favah kengin Police hnen ah a inpe zui nghal bawk. District governor Kazem Razmi chuan Romina pa hi Custody ah hrengin Case hi kalpui a ni dawn thu a sawi.

DM