Mizo Elite News hi ṭha i tihzawng a nih chuan min lo Follow dawn nia

Tlangval Luck Lo Chuan A Kawppui Tur Hmeichhia Zawngin Facebook Ah A Inzuar Ta Ringawt

He tlangval tan hian a kawppui tur ang hmeichhia an piang ve lo zawk nge hun rei tak chhung chu kawppui neilo in mahni te chauhin hun a lo hmang tawh a ni.

England a Kettering a cheng kum 30 val Alan Clayton chuan kawppui hmeichhia tur zawngin Facebook a bungrua vel zawrhna ‘Items for Sale’ ah amah leh amah a in advertise a, date theiha a awm thu in alo inzuarchhuak deuh hmiah mai. A ni erawh chu lei ngailo in a free thung.

School an kal hnu daih aṭang tawh khan ngaihzawng mumal tak a nei leh ngai tawh lo a ti. Tun ah chuan a kum te alo upa ve ta a, a ṭhian ten nupui fanau an nei a han hmuh chang chuan nupui neih a fa neih ve tawh a inhuam thu a lo sawi. Amaherawh chu a neih tur ber hmeichhia lah an la awm lo.

Dating app Tinder leh Plenty of Fish te chuan amah ah engmah hna a thawh ve loh thu a sawi. A kawppui a zawnna ah hian description ah “free” leh “good/used condition” tiin a dah bawk.

Post a siamna group hi ‘For Sale In Corby And Surrounding Areas’ a ni a, post a siam hnu hian vawi 70 chuang lai share niin mi ṭhenkhat ten vanneihna an hlan thu an thawn bakah hmeichhe eng emaw zat in be ve hlawm bawk mahse a tak ram thleng thei lo in a duh angin thil a la awm lo.

Alan erawh chu a beidawng duh lo a, atan a ruat hmeichhe ṭha tak nen hemi kaltlang hian an intawn ngei a ring tlat.

Alan hi a nu leh pa bakah a unau 2 te nen an cheng a, a pa Frank pawhin a fapa chu mi ṭha tak leh nu leh pa thuawih thei tak mi a nih thu a sawi a, nupui ṭha tak a tawn ngei an beisei thu alo sawi bawk.

Metro