Mizo Elite News hi ṭha i tihzawng a nih chuan min lo Follow dawn nia

Thuhriltu Pu James Lalramliana’n Kangmei Chhuak Tur Alo Sawilawk Diam

Zoram a thuhriltu lar tak Pu James Lalramliana kan hre theuh awm e. A ni hian January atang khan Sailutar kohhran ah a team te nen rawngbawlna an nei a, boruak pawh an nei lian viau a ni.

He Crusade kan hriatna langsar tak pawh rawngbawlna a Isua mit ngei a hmuh theih a a inlar leh vantirhkohte chetna ni awm taka sawi te kha a ni a. Tin, Pu James-a rawngbawlna chhim tu te zingah natna nei a pantu te chu tidam in an awm a, thlarau lam a mi bik leh mit varna nei te chauh in heng thil mak rawn inlan te hi an hmuh theih thu an sawi bawk.

Internet ah Pu James Lalramliana leh a team te rawngbawlna hi a lar zui hle a, awih tu tam tak an awm laiin awi lem lo pawl pawh mi eng emaw zat an awm a ni.

April 21 zan khan James-a leh a team te rawngbawlna ah hian Sorkar in hripui lenlaia inkhuahkhirhna dan a siam zawm lo a puhin naupang 30 rualte nena tawngtai inkhawm an nei chu Police ten tawp tura an tih avangin buaina tenau a thlen phah. Mahsela buaina thlen hnu lawk zan dar 11:30 khan Police leh Kohhran hruaitute inbiak hnu ah buaina awmzui lovin an inthenfel tih an sawi.

Mak tak mai chu khatia Police te nen an innawrbuai khan a rawngbawlna an tihtawp sak a nih chuan chhim lam atang meipui a chhuah tur thu hi a sawi a, April 25 Pathianni kalta khan chhimlam Lunglei leh khaw hrang hrang eng emaw zat ah kangmei rapthlak tak hi a chhuak a ni.

He a hrilhlawkna chungchang nia a sawi hi amah Pu James Lalramliana ngei hian Social Media kaltlangin a thusawi a thlen dik chian zia hi a rawn auchhuah pui leh.

Pu James-a chuan meipui chhuah hun tur hi a rawngbawlna tihtawp atang ni 1 ah khan a chhuah nghal a rin thu a sawi a, midang te hnen ah zoram chhungah kangmei a chhuak tawh em tiin a thithlai ru reng a, amaherawh chu a mi zawh te hian ala chhuah loh thu zelin an lo chhang. Mahsela ni 3 na ah chiah chuan mak tak maiin kangmei rapthlak hian chhim lam Lunglei leh hmun hrang hrang a tuam ta a ni.

Rawngbawlna hi sawisel tum ka ni lo a. Heng thil thleng zawng zawng atang hian chik taka ngaihtuah chungin Pu James a rawngbawlna hi a khawi nge dik a diklo zawk tih leh pawm leh rindan kha chu mahni ngaihdan theuh ni ta mai se.