Mizo Elite News hi ṭha i tihzawng a nih chuan min lo Follow dawn nia

Thuampui A Lungrem Chimin In A Hnawl Ah Mi 4 In Nunna An Chan

Nizan dar 9:30 vel khan Thuampui Veng Ainawn Section huamchhunga Pu Lalbiakzuala te chhungkaw luah lai Assam type chu, an in chhak lungrem chimin a hnâwl a, ruang 3 lak chhuak nghal niin an fanu te ber Laltanpuii erawh zawn hmuh nghal mai anilo.

He in chim hi a chhawng chunglam Pu Lalbiakzuala kum 75 te chhungkua member 7 in an luah a, in chim lai hian an tlangval Lalremruata kum 19 chu in chhungah a awm lova, a him hlauh. Chhungkaw member dang zawng mi 6 te chu in hian a chim pui ta a ni. In chim atang hian chhungkaw pa ber Pu Lalbiakzuala chu a vakchhuak a, hliam na vak lo a tuar.

Chhungkaw member dang pakhat Zairimawii pawh hun engemaw chen a kawng chin hnuailam inchim karah a tâng a, hliam tuarin lakchhuah a ni.

Mi pathum, Lalthlamuani kum 16, Joseph Lalrinhlua kum 5 leh Lalngaihsaka kum 3 te chu thiin lakchhuah an ni a, Laltanpuii kum 16 mi chu chin hriat lohin a awmin zawn nghal ani a, tukin zing dar 4:40 vel khan a ruang hmuh a ni.

Inchim hnuai lamah hian hnamdang an cheng a, vanneihthlak takin an ni hi an tlanchhuak hman a, an him vek niin thudawn a ni.

Credit : Mizo Special