Mizo Elite News hi ṭha i tihzawng a nih chuan min lo Follow dawn nia

Thu Neitu Lam In Kawng Khuar Lai An Ngaihven Loh Em Vangin Pathian Hnenah Thlenin Puja An Nei Hmiah

Khawpui hrang hrang leh hmun thenkhat ah kawng khuar chek chuk hi chu hmuh tur a tam thin. Lirthei hmanga tei vel thin tan ngat phei chuan kawng khuar duk lo awm thin hi chu a hrehawm thin hle bawk.

India ram hmun pakhat ah chuan an kawng khuar duk mai thuneitu lam ten an ngaihven loh vangin a mi chengte chu khuar awmna ah chuan puithiam te nen pungkhawm in Pathian kutah an hlan a, Puja an neih hnan hmiah tih hriat a ni.

He kawng hi Bengaluru, Karnataka a Charles Campbell Road ah a ni. Khuar a tui tling hi an hual a, puithiam chuan holy mantras nen chham meuhin Pathian hnen ah a dil. Pangpar hmang in khuar hi hual tir a ni bawk.

Social Media ah video hi a darh atang bengkhawn a hlawh rang ang reng viau a. Video lo thlir tu te chuan an harsatna hi chinfel thuai a nih theih nan authorities ten an hmuh ngei na turin an tag a ni.

Thuneitu te beng thleng tura theihtawp an chhuah thin chung pawh in bengkhawn a lo hlawh ngai lo a ni awm e. Thla tam liam lutuk lo ah khan Florida pa pakhat pawhin hetiang deuh chiah hian kawng lai taka khuar ah balhla kung alo phun hnan hmiah tawh bawk.