Mizo Elite News hi ṭha i tihzawng a nih chuan min lo Follow dawn nia

Thu Hriltu Pu James Lalramliana’n Pathian Hnen Atang Pawisa A Dawng Ngei Tih A Nemnghet

Sailutar a rawngbawlna nei tunlai zoram dung leh vang fangchhuak khawp a thu hriltu lar Pu James Lalramliana chuan an kawmna ah thil tam tak sawiin Pathian hnen atanga pawisa pawh a dawn ngei thu a sawichhuak.

Pu James Lalramliana hian chhim lam atang a meichhuak tur pawh a lo sawilawk tawh a, a rawngbawlna hi mitam takin an rin laiin ring lo an awm ve tho bawk. James-a rawngbawlna hi a thusawina hmun Sailutar khaw mi zawng zawng te pawhin an thlawp vek hran lo tih a hriat a, amaherawhchu inhmuhthiam lohna nasa zawk thleng thei nia an rin avangin ngawih an chuh mai niin a lang.

Pu James a chuan a rawngbawlna tihtawp vanga chhim lama meipui chhuak anga sawi chu a thlen hnu ah nilovin a thlen hma daih Thingkah a thlarau thianghlim a thlen vak tum khan a lo hrilhlawk daih tawh a nih thu a sawi. A kum tak erawh a hre tawh lo a, mahsela a va zawh te pawh in an lo hriatbik chiah tawh loh thu leh an hriat thuak thu in an lo chhang a ti. Sailutar a a rawngbawl tihtawp a nih khan a hrechhuak tih a sawi bawk.

A rawngbawlna tawp avanga chhimlam a kangmei a chhuahchhan chu Pathian a la zawt bik lo a, amah ngei pawh in a chhan a la hriat bik loh thu a sawi a ni.

Pu James- a hian sawichhunzawm zel in tunhnaia a video clip lar tak chungchang chu a nemnghet a, mihring tel lovin Lalpan a chhiahhlawh tam tak vantirhkoh te a nei a, chumi kaltlanga pawisa a dawng ngei thu a sawichhuak. Chumi hmanga dawng awmchhun chu khawvel ah tumah a la hrelo a,amah chauh awmchhun niin a sawi tel bawk. An mahni mihring anga changin a hnen ah an pe thlap thin a ni.

A pawisa dawn zat chiah hi a sawi lo na in Pastor dang leh Senior Pastor te aia a tam zawk thu a sawi a ni. A kawmna kimchang hi ngun takin lo en la, chumi hnu chuan nangmah ngeiin ngaihdan ilo siam dawn nia.