Mizo Elite News hi ṭha i tihzawng a nih chuan min lo Follow dawn nia

Thlawhna Chhungah Face Mask Diklo Uchuak Tak A Hman Vangin United Airlines Atang Chhuktir Ani

Hripui in min chenchilh tawh vangin chhuahna a piangah hmai tuamna Face Mask vuah ngei ngei a ngai tawh a, kan nitin nunah a pawimawh em em ani.

Cape Coral, Florida a mi pa pakhat Adam Jenne chuan United Airlines flight hmang in Washington D.C pan a tum a, mahse a Face Mask vuah uchuak tak vangin thlawhna a hnathawk ten an ngaithei lo. Thlawhna atang chhuktir a nih phah tih hriat ani.

Insider in an tarlan danin Adam Jenne hian hmai tuamna Face Mask pangngai aiah hmeichhe kekawrte sen chu alo hmang pek a, amah chuan thlawhna a an dan siam te zawmin a hmai a tuam chu a dik vek niin a inchhal.

Mahse flight attendants te ngaihdan alo nilo nasa. Kekawrte mask atan a hmang tih hriat a nih hnu hian thlawhna thlawhchhuah hma in Fort Lauderdale, Miami airport ah chhuk tir a ni tih an sawi.

Thil thlen lai Video hi Internet lama a viral hnu ah sawizui a hlawh hle a, Case hi company ten enfiah mekin Jenne chuan United Airlines atang Investigation zawh fel hma chu thlawhna chuang thei ve tawh lo tura khap leh hren a nih tih hriattirna email a dawng tawh bawk.