Mizo Elite News hi ṭha i tihzawng a nih chuan min lo Follow dawn nia

Thlalakna Lamah Khâm 100ft Atang A Tla Thla

Kum tin hetiang lam chetsualna hi khawvel hmun thenkhat ah alo thleng tawh thin a, hun lo takin an nunna an chan phah fo.

Belgium hmeichhia kum 33 mi Zoe Snoeks chu trip neia a pasal nen an chhuahna ah chesual palh in khâm 100ft chuang a sang atang a tla thla a, a boral tih hriat a ni.

Zoe Snoeks hi Luxembourg ah a pasal nen November 2 khan an inzuichhuak. Nadrin khaw hnaih lawkah a ni a, kham sang tak hmawr lama a in pose lai chuan ke chhepsual palh in 100 feet chuanga sang atang a tla thla ta a ni.

A pasal Joeri Janssen in a sawi danin an kalna ah an ui vulh lai pahnih Joy leh Ivy te an hruai tel a, a nupui hian an ui kalpui te chu en fiah tura a tih zawk hlan in kham ah hian a lo chesual. Second 5 em pawh a ral hman lo tih vel a ni. A hawi let chuan a nupui chu alo awm tawh lo a, engmah thawm pawh a hre hman lo.

Emergency services te koh a tum a, an awmna ah network alo awm tha mumal bawk silo nen mangang takin hun a hmang. Zoe Snoeks hi Ourthe River ah a tla a, rescue team te hian ruang hi an zawng hmu thei lawk lo. Emergency services bakah scuba divers leh medical helicopter hmanga zawn a nih hnu ah a ruang hi an hmu ta chauh.

Joeri Janssen leh Zoe Snoeks te hi 2012 khan an innei. Vanduaina thlen ni hi an chenna in lama kir an tum leh ni tak a ni nghe nghe. Police ten he thihna thleng hi chhuizui a nih leh nih loh engmah an tarlang lo.