Mizo Elite News hi ṭha i tihzawng a nih chuan min lo Follow dawn nia

Thla Thar Maia Nupa Ni Mai Tawh Tur Te Chu Thihna Nunrawng Tak Chuan Damchhunga Inhmu Leh Ngai Tawhlo Turin A Thenhrang Ta Si

Thihna hi a va nunrawng tak em! Inhmangaih leh inthlahlel ngawih ngawih te pawh zuah lovin thihna kut vawt chuan a man ta si a, nupa ni mai tawh tur te chu damchhung a inhmu leh tawh lo turin an inthlahliam a tul ta si

Social Media lamah an chanchin hi chu kan lo hmu nual tawh ngei ang. An chunga thil thleng hian biangah mittui a ko chhuak thei hial mai. Lunglei, Hauruang nula khawngaihthlak P. Lalnunhlimi hi thla thar December maia pasal nei tawh tur a ni.

A pasal tur hi Vantea a ni. Palai te tira an inrem vek tawh hnu ah December 9 ah innei tura ruahmanna siamin an inbuatsaih chho mek. Mahsela inneih tura an inpuahchah lai mek hian P Lalnunhlimi hi natna khirh tak Thin Cancer chuan a tlakbuak ta si a, Kohhran dan thianghlima an inneih hma in Kohhran ah an inneih tur hi vawi 3 puan a ngaih vangin November 21 ah an inneih tur thu hi puan tan tur a ruahman a ni. Mahsela an inneih tur thu kohhran a an puan tan ni tur chu a ruang an vuiliam ni a ni ta zawk a ni.

Thihna chauh lo chuan min then suh se titute chu thihna hmangin damchhunga inhmu leh ngai tawh lo tura thenhran an ni ta si a. A pasal tur tan hian a hrilhhaithlak dan tur hi. Biangah mittui a luang lo thei mawlh lo a ni.