Mizo Elite News hi ṭha i tihzawng a nih chuan min lo Follow dawn nia

Thla Thar Mai A Nau Nei Tur Chu Car Accident Vangin A Naute Nen An Boral A, Naute Pa Pawh Enkawl Mek A Ni

A va han pawi tak em! An fa lo piang tur nghakhlel em em a an thlir laiin an chungah vanduaina lian tak mai an tawngbaw ta si a.

Thla 8 a upa naute pai mek, thla thar maia hring tur Maddie Morgan, 21 chu a bialpa Jack Bryant nen Car chetsualna tawkin lirthei dang nen an insut vangin Maddie Morgan leh a naute pai mek te chu an boral.

Thil thlenna hmun hi Australia a Perth ah a ni a, Zirtawpni zan dar 7:45pm vel khan a ni. Accident thlen hnu hian damdawi in lamah hruai ni mahse a hliam hi tuarchhuak zo lo in a naute nen hian an boral ta a ni.

Naute pa Mr Bryant pawh a lu leh awm (chest) a hliam a tawrh vangin Royal Perth Hospital ah enkawl a ni bawk. Nikhua a rawn hriat hnu a a bialnu leh a fa piang tur chanchin an hrilh chuan tuar thiam har a tih hle thu an sawi a, a lungchhe tak zet zet.

An insut na a lirthei pakhat zawk Ford Falcon khalh tu Driver kum 23 mi leh passenger kum 19 pawh an hliam thu an sawi a, passenger pakhat erawh vanneihthlak takin a na lo thung.

An ṭhian chuan Nine Network hnena a hrilh ah chuan Jack Bryant hi Pa ni turin theihtawp in a inbuatsaih mek a, chhungkua din an tum mek laia hetia vanduaina an tawk ta mai hi pawi a tih thu alo sawi a ni.

Mirror