Mizo Elite News hi ṭha i tihzawng a nih chuan min lo Follow dawn nia

Thla 11 Chhung A Chuap A Thil Tang Vanga Thawk Lama Harsatna Thlen Tu Chu Hriatchhuah A Ni

Hun eng emaw chen chu alo tuar tawh. Baruipur, South 24 Parganas district a cheng mipa naupang kum 12 Raihan Laskar hian January thla khan potato chips a eina ah hamrik plastic whistle chu a lo dawlh palh tih an sawi.

Hamrik a dawlh thu hi mipa naupang hian a chhungte bulah pawh engmah a hrilh lo a, a ngawihbopui hmiah. Mahsela a hnu reilo te ah chuan thawk lam ah harsatna a nei zui ta a ni.

A awm (chest) bawr vel chu na a ti em em a, a thawk lak zawngin hrehawm a ti bawk si. A chhungte chuan an fapa dinhmun an en chuan National Medical College hospital ah an kalpui nghal. Mahsela hospital a doctor chuan a chunga thil thlengah a tanpui thei bik lo.

Baruipur a tualchhung doctor an rawn leh tak hnu ah SSKM hospital pan turin thurawn alo pe. Institute of Otorhinolaryngology and Head and Neck Surgery ah chuan mipa naupang hi hruai in khawl hmanga a taksa an enfiah atang a awm (chest) bawr na a tih em em chhan leh thawk harsa a tihchhan chu an hre chhuak. Raihan hian a chuap (lungs) ah Plastic Whistle alo pai reng a ni.

Vanneihthlak takin Doctor ten a kawchhunga hamrik tang hi an phawrhchhuah sak thei. A pa chuan in a fapa hian a chunga thil thleng leh hamrik a dawlh thu hi engmah a sawi lo. Thawk lamah harsatna a nei tih bak engmah sawina chang a hrelo a ti bawk.