Mizo Elite News hi ṭha i tihzawng a nih chuan min lo Follow dawn nia

Thingtlang Pa Chu A Hawn Kawngah Rulin Chukin Phuba Lak Nan A Seh Leta Rul Zawk A Thi

Rul hi mitam tak tan chuan thil hlauhawm tak a ni a, tur nei chi ngat phei chu thih phah theihna khawp hial a ni. Mi thenkhat te hlauh leh rap em em a nih lai in a then thung chuan eng ah mah ngailo leh hlau hauh lo mihring an awm bawk.

Odisha’s Jajpur district a thingtlang khua pakhat Gambharipatia village ah chuan kum 45 mi tribal pa Kishore Badra chu in lam pana a haw kawng ah rul in a ke ah a lo chuk.

Badra hi rulin a ke a chuk hnu hian tlanchhiat chu sawiloh amah chuk tu chu man in a thinrim in phuba lak nan rul chu a seh let ve a, a tur pai zawk rul chu a thi ta a ni.

Badra chuan a hnathawhna atang a hawn hun hi zan ah a nih vangin a thim hle. Thim kara a ke a pen lai tak chuan a ke chu thip zawk in torch hmanga a han chhun nak chuan rul tur nei in a chuk tih a hre chiah a ni. Rul a tihhlum hnu hian an khua ah a hawn a, a nupui bul ah chuan rul nen inbei a thil thlen dan chu a hrilh vek.

An khua miten a chanchin an lo hriat in Badra hi an ngaisang hle a, a rul seh hlum chu a thian te a hmuh tir. Rul in a ke a chuk ve avangin Badra hi damdawiin ah in enkawl turin an ti a, mahse enkawl a ngaih loh thu a hnar in a engah mah a thawk lo tih a hrilh. A taksa ah engmah danglam a thlen loh vang hian khaw mite mak tih pawh a hlawh reng.

Hetiang ang deuh chiah hian Gujarat ah kum 60 a upa chu rul in alo chuk hlum hmiah tawh a, mahse a chuk hlum tu rul hi a seh letna ah a thi ve nghal bawk.