Mizo Elite News hi ṭha i tihzawng a nih chuan min lo Follow dawn nia

Thingtlang Nu Huaisen Tak Chuan Keite Lak Atang A Fapa Nunna A Chhanhim Sak

Fate tan a nu in pekna ropui a lang chiang leh kher mai. Madhya Pradesh a thingtlang khua a cheng tribal nu pakhat chuan keite lak atang a fapa nunna a chhanhim sak.

He nu huaisen tak mai Kiran hi Sidhi district a Sanjay Gandhi National Park hnaih lawk Badi Jhiriya thingtlang khua a cheng an ni. Pathianni zan khan an chenna in pawn ah a fate 3 nen a pasal lo haw nghah paha in tilum a mei an ai lai chuan keite in a fapa kum 6 Rahul chu man thutin ram lamah a tlanpui ta daih a ni.

Chutia keite in a fapa a tlanpui veleh chuan Kiran hian huaisen takin a fapa chhan tur hian a che chhuak ve nghal zat. A fate dang 2 chu in chhungah hmun him ah a awm tir a, a fapa laksak tu Keite hnu chhui chuan ram lam ah a tlan ve nghal.

Thui ve fe a kal hnu ah a fapa laksak tu keite chu a va hmu a, hnimbuk phenin alo awm a ni. Kiran hian hriamhrei engmah hmang lovin hmawlh chauh a keng. Keite hian a fapa hi a hnung, a biang leh mitah te hliam a tawrhtir. Mahse Kiran chuan a fapa nunna hi a chhanhim sak ta a ni. Kiran huaisenna chuan Keite ngei pawh chu tihlau zawk in a tukzal der. A fapa chu hnuchhiah in ram lam panin a tlanbo leh nghal tih an sawi.

Kiran chunga thil thleng leh keite nen an inhmachhawn dan hria in khaw mite an pungkhawm nghal a, primary health centre ah an nufa a hruai an nih thu Buffer zone ranger Aseem Bhuria chuan a sawi. Forest department lam ten Kiran te nufa in enkawlna senso zawng zawng hi an tum sak dawn tih an puang nghal.

Social Media hmangtu tam tak bakah forest department staff leh state Chief Minister Shivraj Singh Chouhan te atang Kiran chu a huaisenna ah chawimawiin fakna thu an tarlang a ni.