Mizo Elite News hi ṭha i tihzawng a nih chuan min lo Follow dawn nia

Thil Zuara Ei Zawng Ve Mai Pitar Leh Putar Te Chuan Hospital A Hmanrua Lei Nan An Pawisa An Hlan

Tluk loh rim an va nam em. Mi neinung leh khawsa thei an nilo a,harsa leh rim tak chunga an thawhchhuah an sum chu midang te tan malsawmna a nih theih beiseiin an hlan hmiah.

Thailand ram ah nupa kum upa tawh tak mai Mrs. Yenjai Wongpaiboonsri, 80 leh Mr. Prachuap Wongpaiboonsri, 83 te chuan an thilzawrh aṭanga an pawisa thawhchhuah chu Hospital pahnih ah hmanrua leina tur atan an pe.

Hospital lam in ventilators leh Covid-19 test kits a mamawh a, hei hi an hriat in an pawisa 1.15 million Thai Baht (RM152,000) lai chu Hospital pahnih tan hian an thehchhuah. Pawisa hi sem rualin Queen Savang Vadhana Memorial Hospital ah 500,000 Thai Baht (RM66,000) an pe a, Lamchabang Hospital ah 650,000 Thai Baht (RM86,000) an pe.

An nupa hian Chonburi, Eastern Thailand ah hawker stall an nei a duck noodles an zuar ṭhin. A ni telin kum upat lam an pan zel a engtik nge an thih dawn tih an hriat loh vangin Hospital tan thil tihsak hi an duh. Pawisa dang an neih leh hun ah pawh pek leh an tum tih Mrs Yenjai hian a sawi bawk a ni.

A pasal in a ke a tih tliah ṭum in Nurse leh Doctor te hian theihtawp in enkawlna ṭha an pe tih a sawi a, Medical Bill thlengin an lo ṭanpui a ni awm e. Heng te hian an nupa hi a ti lawm zualin ṭanpui let chakna a pek phah.

Dailynews