Mizo Elite News hi ṭha i tihzawng a nih chuan min lo Follow dawn nia

Thiam chantir a chhuah zalen a ni chungin Court ah Jail a awm a dil

Thilsual ti tu thenkhat te hi chuan an thubuai atang a fihlim hram tuma an beih laiin a ni erawh hi chuan tan in a awm chhunzawm zawk a thlang tlat mai.

Kenya rama Muslim sakhaw zuitu leh an hruaitu ber zinga mi Guyo Gorsa Buru chu mi rikrap leh hela puh niin thubuai siam a ni a, mahse a thubuai ah hian Court chuan thiamloh chantirna turin finfiahna tha tak engmah a nei lo ani.

Ningani liam ta khan Guyo Gorsa Buru hi a thubuai atanga a fihlim thu leh chhuah zalen a nih thu puan a ni. Amaherawh chu Guyo Gorsa Buru hian Court hnen ah chhuah zalen lo a Jail a khung a duh zawk thu in ngenna a thlen.

Hetianga tan zui zel a duh chhan chu state agents ten a chhuah hnu ah ru bo in an tihlum zui mai ang tih a hlau hle a, a nunna atan a hlauhawm thei nia a hriat vangin Court ah hian ngenna a thlen tawp mai ani.

2018 ah Garso hi Somalia-based al-Shabab militants te nen inzawmna neiin an thawk ho nia an hriat vangin Anti-Terror Police Unit ten an man tih BBC chuan a report.

Court ah hian ngenna theh lut mahse Milimani chief magistrate Wendy Micheni chuan ni 30 aia reilo tan in ah hian a awm phalsak ani tiin thutlukna a siam ani.