Mizo Elite News hi ṭha i tihzawng a nih chuan min lo Follow dawn nia

The Weeknd leh Angelina Jolie te inkar ah thil thleng a awm leh ta

Hun eng emaw chen hnu ah Brad Pitt nupui hlui Angelina Jolie 46, leh The Weeknd te inkarah thu thar a rawn awm leh tan ta a, MailOnline in an tarlan dan in Inrinni zan mai khan Santa Monica ah hmuh dun leh an nih thu an rawn puang leh ta tlat.

An pahnih hian Italian restaurant, Giorgio Baldi ah zanriah an kil dun thu an sawi a, Restaurant chhung a private section ah darkar 2 leh a chanve vel hun an hmang dun bawk a ni.

Angelina hi Restaurant a an luh lam ah erawh The Weeknd luh hnu ah a lut a, mahsela chhuah lam ah erawh chuan The Weeknd nen hian an inzuichhuak a ni. Pawn lam a SUV ah an inzui lut a, The Weeknd hian a chenna $70M Bel-Air mansion lam a panpui nia tarlan a ni bawk.

Hmanni deuh atang khan Angelina leh The Weeknd te hian thawm an lo siam tan daih tawh a, June thla ah zanriah kil a an chhuak dun hmuh an nih atang an inkawp nia rinna a lian hle. Zanriah an kil dun atang a rei lutuk lo July thla khan Los Angeles a Concert an chhim dun hmuh an lo ni leh ani.

An mahni lam atang erawh an in kawp thu sawi rik ret ret chungchang ah hian phatna emaw nemnghehna thuchiang engmah puanchhuah an la nei lo ve ve thung.