Mizo Elite News hi ṭha i tihzawng a nih chuan min lo Follow dawn nia

The Weeknd Leh Angelina Jolie Te Chu Zanriah An Ei Chhuak Hmuhdun An Ni

Nuthlawi thar lam Angelina Jolie chu a pasal Brad Pitt nen an inthen hnu ah mipa dang dang nen sawi zawm an ni a, a pasal hlui Jonny Lee Miller nen inkawp tha leh ang a sawi an nih chhoh mek laiin mipa dang hmel a rawn lan belh ta.

The Sun chanchinbu in a tarlan ah Angelina Jolie leh Canadian pop star, The Weeknd, a hming tak Abel Tesfaye te inkar ah eng emaw tak thil thleng awm ang in an sawi leh ta neuh neuh mai.

Ninga zan khan Santa Monica, Calif a Italian restaurant Giorgio Baldi ah zanriah an kil dun nia hriat a nia, restaurant ah hian hun eng emaw chen awm dun in a hnu ah Paparazzi te tlanchhiat san nan a hran ve ve in Restaurant hi an chhuahsan leh a ni.

An inkara thil thleng chiang tak hi tarlan a la nilo a, thian satliah leh inkawmngeih tak an ni nge thian aia thuk zawk thil thleng hi a awm tih tunah rih mai zawng a la hriat loh.

The Weeknd hian a hla thenkhat ah Angelina Jolie hming hi a tilang fo a, 2016 khan “Party Monster” ah Jolie leh a ex Selena hming tilang in ‘Angelina, lips like Angelina / Like Selena, a** shaped like Selena.’ tiin hla thu a dah a, “Starboy” ah pawh Pitt a hming tarlang in ‘Let a n**** Brad Pitt, legend of the fall took the year like a bandit.’ alo ti bawk a ni.

Jolie leh Pitt te hi 2004 a Mr. and Mrs. Smith an buaipui atang an intawng a, hetih lai hian Brad Pitt hi Friends star Jennifer Aniston nen nupa an la nih lai mek a ni. 2014 a an inneih hma khan kum 10 lai an lo inkawp tawh.

The Weeknd pawh hian ex sawi tur a nei ve nual a, Selena Gomez nen thla 10 zen zawn an in date hnu ah October 2017 khan an inthen. Model, Bella Hadid hi a hmeichhe kawp rei ber pawl a nia, 2015 atang 2016 leh 2018 atang 2019 thleng khan an inkar chanchin sawi tur an nei.