Mizo Elite News hi ṭha i tihzawng a nih chuan min lo Follow dawn nia

The Weeknd ala lungawi thei chuang lo

Rimawi khawvel a chawimawina sang ber nia ngaih Grammy Awards semchhuah hun pawh a hnai tial tial a, Canadian star, The Weeknd fans te tan erawh he Awards Show hian hlutna reng a nei dawn lo.

Kum 31 a upa The Weeknd (a hming tak Abel Makkonen Tesfaye) chu Recording Academy ten a rilru an tihnat sak ah a la lungawi thei lo a, Hits Daily Double te tarlan danin The Weeknd hi Grammy ah in lam let a tum lo.

Grammy Awards semchhuah hnuhnung ber ah a blockbuster album ‘After Hours’ an telh duh loh atang in The Weeknd leh Grammy te hian buaina an nei a, Nomination eng ah mah a lan loh vanga lungawi lovin a Record Label, Republic te chu a Music thehlut tawh lo turin a hrilh a ni.

“Grammy hi Corrupt tak a ni. secret committees te vangin Grmmy ah ka music te Label in an submit ka remti tawh lo” tiin New York Times a hrilh. Kumin ah The Weeknd hian album thar a release lo a, May thla khan a Single “Save Your Tears” a tichhuak.

Recording Academy ten an Vote thlak dan siam tha mahsela The Weeknd hi in lam let a tum tawh lo hle. Grammy sem turah hian hmuh a ni dawn lo tih pawh a chiang reng tawh. 64th Grammy Awards hi January 31 ah sem tur a ni a, Staples Center, Los Angeles atang CBS ten Live in an pe chhuak ang.