Mizo Elite News hi ṭha i tihzawng a nih chuan min lo Follow dawn nia

The Rock an Justin leh Hailey te fa hmasa ber neih hun tur a sawi

‘Scorpion King’ star, Dwayne ‘The Rock’ Johnson chuan Justin Bieber leh a nupui Hailey Bieber te fa hmasa ber neih hun tur sawiin a lo ring lawk ve nasa mai.

“Sorry” singer, Justin Bieber hian naute a pawm lai thlalak a Instagram ah a post a. Hetah hian Comment ah chuan The Rock hian kum 2021 lamah Bieber hi Pa a nih tawh tur thu a beisei tih a sawi a, a nupui Hailey nen kum thar ah chhungkua an din ve a rin thu a sawi mauh mai.

Justin leh The Rock te hi inpawh hranpa em em lo mahsela ṭhian ṭha erawh an ni. 2015 pawh khan Social Media ah an lo infiam dun nasat viau kha.

Justin an thlalak a a pawm naute hi a nupui Hailey unaunu Alaia Baldwin fanu pianghlim deuh hlawl Iris a ni. August 17 khan a piang a, Justin te nupa pawh hi Alaia Baldwin te kiangah hun an lo hmang.

Hailey in a pasal Justin nena fa neih chungchang a sawi ah chuan an nupa hian naute an la neih mai hmel loh. PaleyFest LA hnen ah an nupa a a tam thei ang ber hun hmandun chu a la thlahlel zawk tih a hrilh a, naute nei tur chuan an la in puahchah chiah rih lo a ti.

Bieber nen an inneih aṭang thla hnih hnu lawk ah Vogue Arabia hnena interview a neih ah chuan naupang a ngainat thu leh fa neih a nghahhlelh thu a sawi zuk a fans tam tak chuan thu lawmawm an neih an lo beisei hman. Mahsela chhangchhe nu leh pa ni tur chuan an la inhuam chiah rih lo a ang.

DM