Mizo Elite News hi ṭha i tihzawng a nih chuan min lo Follow dawn nia

Thai Taekwondo Chu A Pa Hma Ah Thingthi In A Medal Dawn A Hlan

Nu leh pa te hi kan lei Pathian te an nih ang in zaha chawimawi hi an phu tak zet a. Olympic neih mek ah ram hrang hrang atang a an ram aiawh a hlawhtling ta te nungchang a mawiin hmuh an nuam khawp mai.

Thailand nula kum 23 lek a upa Panipak Wongpattanakit chu Olympic Games khelh mek ah an ram tan women’s taekwondo 49kg category ah Spain tleirawl Adriana Cerezo Iglesias chu hneh in Gold Medal hmasa ber chu alo hlawhchhuak a ni.

An ram tana Gold Medal a hlawhchhuah hnu hian Tokyo atang an ram Thailand ah a kir a, Phuket airport ah mipui tam tak leh a chhungte chuan lo hmuak in, hetah hian a hringtupa Sirichai hma ah chuan thingthi in lawmthu a hrilh a,a Medal dawn chu a hlan.

Panipak in mipui tam tak hma a a hringtu pa a zah leh a chawimawi zia a tihlan hian fak a hlawh hle a, a nun a a pa a dah pawimawh zia chiang tak in a rawn lantir a ni tiin Internet ah an thehlar hle. A phu bawk em a ni.

Bangkok Post hnen ah “mipui heti zat zet min hmuak tura lo pungkhawm ka hmuh hian thinlung tak in ka lawm a ni” tiin a sawi. A hlawhtlinna lawmpui nan hian National Sports Development Fund atang 19 million baht leh 12 million baht a dawn bakah private agencies atang 7 million baht pek a ni bawk.

Panipak hian kum 5 liam ta mai pawh khan Rio De Janeiro a Olympic ah an ram tan bronze medal a lo hlawhchhuak tawh bawk a ni.