Mizo Elite News hi ṭha i tihzawng a nih chuan min lo Follow dawn nia

Thai Sangha Mantu In Whale Luak A Chhar, A Man A Tlawm Lo Hle

Thai mi sangha mantu pakhat chuan tuipui ah Whale luak an tih mai thil hlu leh manto tak ambergris chu a chhar a, a man pawh a tlawm lo hle.

Chalermchai Mahapan, 20 hian January 6 khan southern Songkhla province a Samila Beach ah Whale luak hi a chhar a, tuiah lawnga a awm lai hian khaw awmdan lo inthlak thut vangin vaukam lam panlo thei lo in a awm phah. Vaukam lam a panna ah hian tiauvut ah a va hmu ta a ni.

A rih lam hi 7kg lai ania, a tirah chuan amah pawn lung pangngai mai mai ah a ngai ve tho. Mahse a enchian hnu ah a danglam bik vangin hlutna a neih a ring tlat a, in lamah zirchian turin a hawn.

“Eng nge a nih tih pawh ka hre miah lo a, mahse khua a mi kum upa lam te chuan ambergris a nih thu min hrilh” tiin a sawi. Sample hi lab ah enfiah tura an thawn hnuin a tak tak ngei a ni tih an nemnghet.

“Ka vanneih chungchuang bik hle in ka hria” a ti ve hial reng a, Chalermchai Mahapan hian a thil chhar hi kg 1 chu 1,00,000 Thai baht (£24,500) zela leisak tu tur a nghak mek a, a vaia a hlutna hi £210,000 anga chhut a ni bawk.

April 2016 pawh khan Lancashire ah ambergris 1.57-kg chhar a nia, £50,000 in an hralh. 2016 vek November thla khan Omani sangha mantu 3 te chuan kg80 zeta rit whale luak hi an lo chhar tawh bawk a $3million (£2,205,942) man zet a ni.