Mizo Elite News hi ṭha i tihzawng a nih chuan min lo Follow dawn nia

Thai Pa Mawng Atang An Thil Phawrhchhuah Zet Chu

Hei zet zawng a tawp in tenawm lamah a kal tlat. Engtin nge heng thil hi a kawchhung ah an lo awm theih dawn ni. Rin a harsa zawk hle.

Thailand rama Nong Khai province ah kum 67 a upa mipa hi a taksa ah insawiselna a neih hnu in damdawiin ah in entirin a kal. Pumna leh kaw puar a tuar thin tih Doctor te hi a hrilh.

Eng harsatna chiah nge a tawh tih hre turin stool sample chu Parasitic Disease Research Centre ah an thawn a, lab test atang chuan a chhung lam ah rulhhut an tih tapeworm chu an lo awm a, a tui an hmuchhuak nual.

A chhung lama a pai te hi an phawrh hma in deworming medicine pek a ni hmasa. An han phawrhchhuah meuh chuan a rapthlak zawk. 59-foot- (18 metre) zeta sei lai a lo nia, Mat sen ah an chap dul mai a ni.

Doctor te rindan chuan parasite te hi bawng sa hmin lo ei atang tapeworm tui te hi a senglut an ring. Thailand ah hian kum 50 chuang hnua tapeworm an hmuh thahnem ber tum ni hial in Medic te hian an sawi bawk.

Taenia saginata an tih hi beef tapeworm tiin an sawi a, heng parasite te hi mihring ah kum 30 a rei thleng te an chambang thei.