Mizo Elite News hi ṭha i tihzawng a nih chuan min lo Follow dawn nia

Thai Beauty Queen Chu A Hringtunu Bawlhhlawh Khawm Ṭhin Hma Ah Zahna Chibai Bukin A Ṭhingṭhi

Eng ang pawh in hlawhtlingin hmingthang mahsela he Beauty Queen hian a chhuahna leh a seilenna a zahpui reng reng lo a, tun dinhmun a thlen chhan hi chiang takin a hria a, inlak changkan vel a tum hauh lo.

Khanittha ‘Mint’ Phasaeng hian 2015 khan Miss Uncensored News Thailand atan thlanchhuah a ni. Mint hi hetih lai hian kum 17 chauh a la ni nghe nghe.

Chhungkaw neinung leh hausa tak aṭanga chhuak a ni lo a, a nu hi bawlhhlawh khawm in hun a hmang ṭhin bawk. Beauty Queen a thlanchhuah a nih hnu hian a nu kum 47 a upa Garbage Collector, Orathai Pormaun hma ah hian ṭhingṭhi in chibai a buka engkim vangin lawmthu a hrilh.

Mite lo hmuh leh thlir dana a nu engmah nilo bawlhhlawh khawm tu satliah ve mai hma a zahna chibai a buk lai thlalak hian Social Media ah mitam tak thinlung a hneh hle a, he Beauty Queen title hi a ti hlu zualin a nu a zahna hian a lo ti lawm hlawm hle nghe nghe.

Mint hian Beauty Queen title a kawl hma pawh hian a nu hi a hnathawhna ah a pui ṭhin. “Tun dinhmun ka thlen theihna chhan chu ka nu hi a ni ka ti lo thei lo a,a hnathawh hi ka zahpui lo hrim hrim. Ka tan engkim ti a min enkawl seilen vang hian a chungah lawmthu ka sawi a ni” a ti.

Mint hi kum naupang te a nih in a nu leh pa te an in inṭhen. Retheihna nen hringnun a rawn zawh chho a, harsatna vangin chhungte kiangah te khawsa in hun alo hmang ṭhin bawk.

Thai Culture ah chuan ṭhingṭhi a chibai inbuk hi inzahna tawpkhawk a ngaih niin an ngaihlu hle ṭhin. Kum 2015 a thil thleng daih ni tawh mahse a nu hnathawh zahpui lo leh a chhuanzia hi  ṭhalai zawk ten kan hmuh ve ṭheuh atan kan rawn tarlang thar leh a ni.

I nu leh pa te kha mi thiltithei leh ropui tak an ni kher lo a ni thei mahsela midang hma a zahna i lantir khan i chawimawi a ni. He khawvel ah hian tuna i nu leh pa baka hmangaihtu tur che midang tumah an awm tawh lo tih hre reng ang che.

PTAMA