Mizo Elite News hi ṭha i tihzawng a nih chuan min lo Follow dawn nia

Tesla Lam Ten Electric Car Changkang Tak Tlangzarh An Tum

Tesla Company hi a hausa in an thil siamchhuah a piang pawh khawvel huap in ngaihhlut a hlawh. An thil siamchhuah a changkang bawk a, mi nawlpui te neihphak a ni lem lo bawk.

Tesla chuan tunah hian electric car changkang tak tur an tichhuak leh dawn tih hriat a ni a, Tesla Car thar tur chungchang hi electrek.co ten an rawn puangzar.

He electric car tihchhuah tur hi 2023 daih a launch theih beisei ni mahse Tesla te kutchhuak tur a nih dawm a vangin ngaihven pawh a hlawh tan hle a ni. Car dang ang lo takin Tesla te Car thar tur ah hian steering wheel a awm dawn lo.

Tesla leh SpaceX CEO Elon Musk chuan nikum Tesla Battery Day event neih ah khan EV (electric vehicle) siam tura ruahman chungchang hi a lo sawichhuak tawh. Steering wheel awm ve lo tur Car hi a man erawh a tlawm dawn lo a $25,000 niin hei hi India pawisa chuan cheng nuai 18 a ni.

Manufacture hi China a Gigafactory Shanghai ah ruahman a nih hmel. Elon Musk hian a huang a zauh nasa tawh. Space lam thleng in a in zar pharh. Tesla hian electric car hi an tichhuak a nih ngat chuan nei hmasa tu nih an inchuh leh dawn tih pawh a chiang. A thuamna harsa leh hautak viau tur in lang mahse Elon Musk kha a ni miau a, James Bond movie a lirthei changkang tak tak ang te a tak a phochhuak thei tu a ni.