Mizo Elite News hi ṭha i tihzawng a nih chuan min lo Follow dawn nia

Temple Ah Lutin An Pathian Malsawmna A Dil Hnua A Chet Dan Zet Chu

Hmun thianghlim Temple chhungah lutin an Pathian milim dah ke chu khawih saka a hma ah malsawmna te a dil fel zet tawh hnua a khawsak dan chuan mi a barakhaih zawk hle.

He thil hi India ram Thane, Maharashtra a Lord Hanuman temple a thil thleng a ni. Hindustan Times in a tarlan danin Tample hi Khopat Bus Depot, Thane (W) hnaih lawka awm a ni.

Thawhlehni zan 8pm leh 9.30pm inkar bawr vel khan Temple chhung ah hian mipa pakhat chu a lut a, malsawmna dil tum ni awm tak anga a inlan tir hnu ah an milim Pathian hma a pawisa bawm an dawhna donation box chu chawi nawlhin a lo ru chhuak daih.

Temple enkawltu puithiam Mahant Mahavirdas Maharaj chuan thil thleng hi Police te hnen ah a thlen. Puithiam in a sawidan chuan rukru pa chet lai hi hna dang thawk tura Temple a chhuahsan zawk hlan a ni a, a let leh chuan Donation Box hi alo awm tawh lo.

Bawm chhunga pawisa hi ₹1,000 bawr vel chauh a ni bawk. Police ten CCTV footage te an enfiah hnu ah rukru pa chetdan mak leh awihawm loh zawk hi an hmuchhuak. Rabodi a cheng Kejas Mhasde chu an man a, a ni hian a thurualpui midang pawh a puang a ni. Ningani zan ah mi 2 te hi man an ni a, donation box a pawisa an lak atang ₹536 chu an hmu kir.