Mizo Elite News hi ṭha i tihzawng a nih chuan min lo Follow dawn nia

TBC Zaithanpuia’n Myanmar raltlan te pual Live Show a neih atang a sum tlingkhawm te a hlan

Mizo mipa Gospel singer kan neih that berte zinga mi Tbc Zaithanpuia chuan kan thenawm ram Myanmar raltlan te puala Christmas Present Live Show a buatsaiha sum tlingkhawm te chu hlanna a nei ta.

Live Show atang hian ₹130000/- zet hmuhchhuah niin Thawhlehni (Dec 14) khan Chin Refugee Committee Mizoram Director Rev. Dr. Hla Aung leh Assistant Treasurer Thawng Lian uk leh USA atang lo kal Pastor Sui Hliang Chorei te hnen ah a hlan a ni.

Raltlan puala Live Show hi Dec. 4 khan Tbc-a hian a YouTube Channel kaltlang in a buatsaih a, Show a hlawhtlinna turin a hmahruai nan a Youtube thlakhat income a chhunglut ve nghal bawk a ni.

TBC Zaithanpuia chuan kan unau raltlan te chhawmdawlna atan a sum thawh tu te zawng zawng chung ah lawmthu a sawi. “Vawiin Dt.14.12.2021 hian, kan unau Myanmar raltlante puala Live Show kan neih aṭanga Christmas Present a tana kan sûm thawhkhawm ₹ 130000/- (Nuaikhat leh singthum) chu, Chin Refugee Committee Mizoram Director Rev. Dr. Hla Aung leh Assistant Treasurer Thawng Lian uk leh USA a ṭanga lokal Pastor Sui Hliang Chorei te hnênah, petu zawng zawngte aiawhin lâwm takin ka hlân fel ta e. Lalpan a let tamtakin malsawm vek cheu rawh se”