Mizo Elite News hi ṭha i tihzawng a nih chuan min lo Follow dawn nia

TBC Zaithanpuia Te Nupa In Naupai Laia Exercise Lak Dan An Pholang

Mizo mipa Gospel zaithiam kan neih ṭhat berte zinga mi TBC Zaithanpuia te nupa chuan an fa hmasa ber tur an beisei mek a, an nupa in naupai laia Exercise lak dan ṭha tak mai chu an rawn tilang.

Video hi TBC-a youtube channel ah en mai theih in a awm a, naupai lai mek leh nakin a nau la nei leh tur te tan pawh in fa hrisel tak neih nan lo hriat ve atan a ṭha khawp mai.

Hmeichhia te tan chauh a ni lo a, Mipa (Pa) te tan pawh hei hi chu hriat ve ngei tur a ni.

TBC Zaithanpuia hi a nupui Elvina Lalmuanpuii nen hian 9th January 2020 ah Mission vengthlang, BCM Shalom ah damchhunga nupa ni tawh turin Kohhran mipui hma ah “tiam tlat e” tiin an innei.

Elvina Lalmuanpuii hi Dr. L.R. Kom (L) leh Pi R. Lalveni te fanu niin December 24, 1987 kum ah a piang. Amah hi Indian Audit and Accounts Service (IA&AS) a ni bawk.

Tluang taka fa duhawm leh hrisel tak nei ngei turin duhsakna kan hlan mawlh mawlh e.