Mizo Elite News hi ṭha i tihzawng a nih chuan min lo Follow dawn nia

Taylor Swift Vangin Kanye West An A Album Tihchhuah Tur A Postpone Phah

Taylor Swift leh Kanye West te hi hman aṭang tawh ui leh kel thlun pawlh an sawi ang deuh reng hi an ni a, kum 10 chuang zet chu an lo inhaw tawh.

Kanye West hian Album thar tichhuak turin hmachhawp a nei mek a, chutih laiin leh lamah rinloh tak maiin a hmelma hlun Taylor Swift in album thar a rawn tichhuak ve leh thut si a Kanye West hian a album release tur hun hi a postpone zui phah ta niin Report chuan a sawi.

Taylor Swift hian Ningani khan a Studio album 8 na “Folklore” a tichhuak. A tuk Zirtawpni ah Kanye West hian a studio album 10 na release a lo tum ve mek. Mahse Taylor Swift in album a release hnu hian a thawm a reh zui ta nghal hmak a ni.

Kanye West an hetia a ruahman huna album a release leh loh chhan ah hian Swift hi mawhpuh a ni ta a. A tum anga a awm leh tak loh avang hian West hian twitter ah sawisel a hlawh zui hle.

Zirtawp a album release a tum hi ‘Donda: With Child’ tiin title a vuah. He album hi kum 13 liam ta a a nu boral ta tribute na tur a tih a ni.

Swift hian a album thar “Folklore” hmangin chart hrang hrang ah number 1 a hauh chho mawlh mawlh a, chutih laia album lo tihchhuah ve hi West hian a duh lo a ang. Anni pahnih hi 2009 MTV VMA aṭang khan an inkar a fuh thei tawh lo.

DM