Mizo Elite News hi ṭha i tihzawng a nih chuan min lo Follow dawn nia

Taylor Swift leh a nu Andrea ten Covid19 vanga pasal sun ta hmeichhia leh a fanu te hnen ah tanpuina pawisa an pe

Pop Singer, Taylor Swift leh a hringtu nu Andrea Swift te chuan Covid19 tuartu Memphis,Tennessee a chhungkaw pakhat te tanpuiin an che chhuak leh.

Taylor Swift te nufa in an tanpui hi Vickie Quarles te chhungkua an ni. Vickie Quarles pasal Theodis Ray Quarles hian hripui Covid19 a kai a, hri avangin nikum December khan a nunna a chan phah hial.

A pasal a boral hnu in Vickie Quarles hian a fanu 5 Alyssa, Anaya, Asia, Allie leh Aryah te chu a hmeithai pui a ni.

An chhungkaw chhawmdawlna leh in enkawlna tur hian vehbur khawn sak an ni a, Taylor Swift leh a nu in Quarles te chanchin lungchhiatthlak tak hi an hriat hnu ah tanpui turin an inkau hle a, $50,000 zet chu Quarles leh a fanu te tan hian an pe.

Vickie Quarles chuan “kei leh ka fanu te min khawngaih a tanpuina min pe tu te chungah ka lawm tak zet a, ka lawmna hi tawngka mai a sawifiah theih a nilo. Andrea leh Taylor Swift te in thilphalna in lantirna ah hian a bik takin in hnen ah lawmthu ka hrilh duh che u a ni” tiin a sawi.

Taylor Swift hian a sum leh pai te hi midang tanpuina turin thehchhuah a ui ngai lo hrim hrim a, a hma pawh in a fans te zinga sum lama harsatna neite lehkha zir chhunzawm na turin pawisa alo pechhuak fo tawh thin a ni.