Mizo Elite News hi ṭha i tihzawng a nih chuan min lo Follow dawn nia

Taylor Swift In US President Chuh Ve Rawh Se

US President hi fiamthu na ah a chang zo ta nge, milar inbeihna hun remchang takah hei hi hman an tum zawk.

Rapper, Kanye West chuan America thutiam hria a Pathian ring tlat chunga United State President chuh a tum thu a puan hnu ah boruak a so sang chho ṭan hle.

Kanye West haw tu te chuan he Rapper thusawi hi an lo helh nasa leh hle a, US President chuh a tum a nih chuan Pop Singer, Taylor Swift pawh in President hi chuh ve rawh se tiin Swift hnen ah ngenna hial an thlen ta.

Kanye West leh Taylor Swift te hi inhmelma kumhlun an ni ve a, chu an inhmelmak na chu netizens lam te hian tih punlun an tum nge West an huat luat ah Swift hi tih elhsen tu atan an hmang zawk ni ang.

Twitter lam ah West ai chuan Swift hi President a duh tu tam tak an awm a, West a tel dawn a nih ngat chuan Swift hi penchhuak a US President zinga hmeichhe awmchhun tur atan an hual ru hle.

Kanye West hian 2015 MTV Video Music Awards ah US President nih a tum thu a sawi tawh. Mi danglam ve tak a nih avang hian hemi chungchang ah hi chuan a fiamthu mai mai pawh a rinawm loh bawk.

Zaithiam John Legend pawn President chuh chungchang ah hian West hi a serious thu a sawichhuak a, “West hian hemi chungchang hi vawitam min hrilh tawh a, a tum in a ti tak zet in ka hria a ni” a ti.

RepublicWorld