Mizo Elite News hi ṭha i tihzawng a nih chuan min lo Follow dawn nia

Taylor Swift In A Master A Neih Let Theih Nan Ṭanpui Turin Kanye West A Inpeih

An intihbuai hnu aṭang a inngeih thei tawh lo leh hmui hmai ṭha inhmuh thei tawh lo an ni a. Mahsela Kanye West hian a mize dang a chhuah leh ta nge ni a hmelma Taylor Swift ṭanpui turin a inpeih thu a puang.

Taylor Swift hian a Music chungchang ah buaina neuh neuh a tawk a. Label dang a zawm tak avangin a label hlui Big Machine Record nei tu thar Scooter Braun an a hla hlui ho a album te chu neitu nihna changin a master sak vek.

Hemi chungchang ah hian Kanye West a ṭawngchhuak. Mak tak maiin tum ṭum erawh Kanye hian Swift lam aṭang a, Taylor Swift puih ka duh a ni a ti.

West hian Twitter ah Taylor Swift chu a master te nei kir leh tura ṭanpui a duh tak zet tih Zirtawpni khan a tarlang a, a music master sak tu Scooter Braun chu chhungkaw ṭhian hnai tak a nih thu a sawi. West hian hemi hi remchang ah la in Swift nen an inkarah remna a thlen tir thei mahna.

Kanye West hi Election tura a buai em em mek lai hian Music Industry leh Record Label deal chungchang a rawn ngai pawimawh thar a, thlak danglam leh her danglam ngai thil a awm tih a sawi nasa. Hei vang hian a record label a contract aṭang zalenna a hmuh hma loh chuan music thar pawh tihchhuah a tum lo.

Swift leh Scooter Braun te hi nikum lam khan Swift album a thuneihna neih chungchang ah an inbei nasa. Swift hian a record label hlui nei tu hmasa Scott Borchetta chungah a lungawi loh zia pawh a tarlang.

Zaithiam te hla chungchang ah hian an Record Label lam te hian thuneihna an nei sang bawk si a, Braun an Big Machine a lei khan Swift album hmasa 6 lai ah thuneihna a nei nghal der. Swift hian a label thar ah a album hlui te hi re-record leh alo tum hle bawk a ni.

DM