Mizo Elite News hi ṭha i tihzawng a nih chuan min lo Follow dawn nia

Taylor Swift In A Fans Kobe Bryant Fanu Tan Thil Pek Thawn

A reh deuh reng hnu ah rimawi lam ah a rawn kir thut a, Music Industry ah thawm a rawn nei na nghal hle bawk.

Pop Singer, Taylor Swift (kum 30) chuan amah ngaisangtu a fans Kobe Bryant fanu kum 17 a upa Natalia tan thil pek hlan in, a album thar puala a siam Folklore cardigan chu a lo thawn a ni.

Natalia hian Taylor Swift hnen aṭanga a thil pek dawn hi chhuang takin a rawn phochhuak a, Taylor Swift hnen ah hian lawmthu alo hrilh bawk. Natalia mai bakah hian Natalia nu leh Kobe Bryant nupui Vanessa Brant, 38 pawh in Swift hnen ah hian a lawmzia a lo tarlang a, a thilphalna an chunga an lantir chuan a tihlim hle.

Bryant te chhungkua leh Swift te hi an inṭhianṭha hle a, 2015 a Los Angeles a Swift in sixteenth sold-out Staples Center show a neih ṭum pawh khan Kobe Bryant hian Stage ah Swift leh mipui te chu alo surprise tawh. Bryant fate hian an ngaisang hle a 2018 a Reputation Tour a neih ṭum pawh khan Natalia leh a nau Gianna te hian a Concert chhimin Pasadena a photo session ah thla an lo la ho a ni.

Kum in January thla a Kobe Bryant leh a fanu kum 13 mi Gianna te Accident an tawh a nunna an chan pawh khan Swift hian a tuar hle a, a chhungkua te a tuarpui zia Social Media kaltlangin alo tarlang bawk.

DM