Mizo Elite News hi ṭha i tihzawng a nih chuan min lo Follow dawn nia

Taylor Swift chuan History a rawn siam leh ta

Pop star hmeichhia zingah chuan Taylor Swift hi thawm neilian leh huhang ngah ber pawl a ni. A ni zet hi zawng Country aṭanga Pop lama zuanglut fuh ber te zinga mi a ni a tih loh theih loh.

Puanzarna mumal em em pawh awm hran lovin a album thar “folklore” a tlangzarh thut a, a fans te a ṭhawng hle. Album a release tirh phat aṭang khan a lar dawn em tih aiin eng record nge a siam leh ang tih in ngaihven a hlawh zawk.

Billboard chart ah “folklore” hi a thleng sang nghal dawr a, a album hmasa ho “Lover,” “Reputation,” “1989,” “Red,” “Speak Now” leh “Fearless” te iangin pakhatna dinhmun a hauh leh van tawh. ‘folklore’ hi Swift Album a No.1 hauh thei 7 na a ni ta chiah.

Hei bakah hian History thar a siam zui bawk. Pathianni ah data tihchhuah a ni a. A hla “cardigan” hmangin Billboard Hot 100 ah DaBaby’s “Rockstar” a nekchhuak. Billboard 200 ah pakhatna a ni zui bawk a. Kar khata a ruala Hot 100 leh Billboard 200 a pakhatna hauh thei Artist hmasa ber a ni ta a ni.

“Cardigan” bakah hian “The 1” leh “Exile” featuring Bon Iver te pawh Hot 100 ah hian No.4 leh No.6 te ah an lang tel a, “folklore” album hi 846,000 zet a hralh tawh. Swift tan Grammy a Album of the Year turin chance a nei ṭha dawn hle.

USA Today