Mizo Elite News hi ṭha i tihzawng a nih chuan min lo Follow dawn nia

Taxi Ruk Tum Awm Ang Taka Taxi Driver An Prank Vangin Jail Bang An Zut Dawn

Fiamthu hian chin tawk a nei. A hmun leh a hun hriat hi a pawimawh em em bawk. Influencers pathum te chuan Taxi Driver pakhat an lo prank ringawt vangin Jail bang an zut phah lel dawn tih hriat a ni.

Russia a cheng influencer 3 te hian March thla liam ta khan business taxi chu ruk tum ni awm takin Driver an prank a, Driver hi hmang tur anga insawi in seat a a thu chu hnung lama bungrua bag vel dah luh pui turin an ko chhuak. Cab driver in a hawn rual hian an zinga pakhat chu seat ah chuangin a tlanpui daih a, an zinga bloggers pakhat awm ve chuan thil thlen dan chu video in alo cover a ni.

Driver hian prank a ni tih engmah a hre silo a, a lirthei chu ruksak anga ngaiin pek kir leh a nih hma chuan Police te hnen ah alo hriattir diam hman.

Police te chuan influencer te hi thubuai an siam sak nghal a, an zingah Aidyn Tussupov pawh telin a ni phei hi chu Instagram ah pawh maktaduai 1 chuang zuitu (followers) a nei bawk. Tun hi prank an tih vawikhatna mai a ni tawh lo.

Taxi Driver an prank vangin kum 3 leh thla 6 tang tura tih an ni. Ningani khan Authorities ten thuchhuah siamin Dumshebay E., Tusupov A., Khasanov R. N. te chu paragraph 2 of Article 166 of the Criminal Code of the Russian Federation hmanga thubuai siam sak an nih thu an puang a, Moscow tang 500km a hla prison camp ah nawrliam an ni dawn ta a ni.